Acne Is The New Symptom For Corona Virus As Expertise Say

त्वचेवर उठणारे पुरळ हेदेखील कोरोना संसर्गाचे लक्षण, तज्ज्ञांचे मत

कोरोनाव्हायरस संक्रमणाने संपूर्ण जगभरात मोठे संकट पसरले आहे. जगभरात तीन कोटींपेक्षा नागरिकांना कोरोना व्हायरसची लागण झाली असून ही संख्या दिवसागणिक वाढत चालली आहे. जगभरातील शास्त्रज्ञ, डॉक्टर, वैद्यकीय संशोधक या विषाणूमुळे लोकांवर कसा परिणाम होत आहेत याबद्दल अभ्यास करत आहेत. सुरुवातीला श्वसनमार्गाच्या संसर्गाचा आजार म्हणून ओळखल्या जाणा-या कोविडला आता शारीरीक व्याधी म्हणून ओळखले जात आहे आणि त्याचा हृदय, मूत्रपिंड, यकृत आणि फुफ्फुसांसारख्या सर्व प्रमुख अवयवांवर परिणाम होत आहे. लहान मुलांपासून ते प्रौढांपर्यंत आणि गर्भवती स्त्रियांपासून वयस्कर व्यक्तींपर्यत विषाणूच्या संसर्गाची लक्षणे भिन्न असतात. ताप येणे, श्वास घेण्यात अडचणी येणे, कोरडा खोकला हे कोरोना संसर्गाची सुरुवातीची लक्षणे होती. पण आता या यादीमध्ये आणखी एका लक्षणाचा समावेश करण्यात आला आहे तो म्हणजे त्वचेवर पुरळ आणि जखम. याबाबत ‘POPxo मराठी’ने अधिक जाणून घेतले, द एस्थेटिक क्लिनिक्स’च्या त्वचारोग सल्लागार आणि कॉस्मेटिक त्वचारोग तज्ज्ञ, डॉ रिंकी कपूर यांच्याकडून.

काय आहे लक्षणं

जगभरातील 20% पेक्षा अधिक कोविड पॉझिटिव्ह नागरिकांचे परीक्षण करण्यात आले असून यामध्ये त्वचेवर पुरळ म्हणून एक लक्षण दर्शविले आहे. काही पुरळ संसर्गाच्या सुरूवातीस दिसून येते, काही नंतर उद्भवू लागतात आणि काही उपचारानंतर तर काही उपचारानंतर दिसून येतात अशी माहिती आता समोर येत आहे.

मॅकोलोपाप्युलर इरप्शन – त्वचेच्या ठिपके वर उठतात आणि लाल रंगाची जखम दिसून येते व त्या जागेवर खाज सुटू शकते. हे पुरळ बर्‍याचदा गंभीर आजाराशी संबंधित असतात आणि सुमारे नऊ दिवस असतात. अशा प्रकारचे त्वचेवर पुरळ उठणे हे त्वचेवर परिणाम करणारे कोरोनाव्हायरसचे सर्वात सामान्य लक्षण आहे.

लाल किंवा जांभळा रंग पुरळ हाताच्या किंवा / आणि बोटेच्या टिपांवर होतो. हे काहिसे वेदनादायक असतात आणि त्यामुळे खाज सुटू शकते. हे लक्षण तरुण पिढीमध्ये अधिक सामान्य आहे आणि कोविड -१९ संसर्गाच्या सौम्य पातळीशी संबंधित आहेत. पुरळ सामान्यत: संसर्गानंतर दिसून येते आणि सुमारे १२ दिवस टिकते.

अंगावर उठणाऱ्या पित्ताच्या गाठी: लाल आणि पांढरे ठिपके त्वचेवर अचानक दिसू लागता आणि तीव्र खाज सुटणे आणि अस्वस्थता जाणवते. हे आकाराने अगदी लहान असू शकतात किंवा शरीराच्या संपूर्ण भागाला व्यापू शकतात. या पुरळांसोबतच सूज आल्याचे दिसून येते. काही रुग्णांमध्ये ते काही मिनिटांतच अदृश्य होतात परंतु काहींमध्ये ते तासनतास टिकतात. चेह-यावर, अंगावर उठणार्या पित्ताच्या गाठी ओठ आणि पापण्यांवर परिणाम करतात आणि यामुळे त्यांना सूज येते.

मुरुम / कांजण्यांच्या पुरळाप्रमाणे उष्णता: एरिथेटो-पॅप्युलर पुरळ (लाल फुगीर पुरळ) किंवा एरिथेटो-वेसिक्युलर पुरळ (चिकन पॉक्स-सारखे पुरळ) म्हणून ओळखले जाते, हे अंगावर उठणा-या पित्ताच्या गाठींपेक्षा जास्त तीव्र असतात आणि काही आठवडे टिकून राहतात. ते त्वचेवर कोठेही विशेषत: कोपर, गुडघे, हात आणि पाय यांच्या मागे दिसून येतात.

पाण्याचे फोड: कोविड रोगाने ग्रस्त प्रौढ रुग्णांच्या हातात बहुतेकदा अशा प्रकारचे फोड दिसून येतात. हे द्रव भरलेले फोड सुमारे 10 दिवस टिकू शकतात आणि रोगाचे मध्यम तीव्रता दर्शवितात.

लाइव्हडो नेक्रोसिस, लाइव्हडो रेटिक्युलरिस: यामध्ये त्वचेखालील रक्तवाहिन्या फुटणे आणि अडथळा आल्यामुळे त्वचेवर याचे पॅटर्न दिसू लागते. काही प्रकरणांमध्ये, लहान जांभळ्या रंगाची जखम पॅटर्नसारख्या लेसमध्ये देखील दिसू शकतात.

मुलांमध्ये मल्टीसिस्टम इनफ्लेमेटरी सिंड्रोम (एमआयएस-सी): हे पुरळ हृदय व रक्तवाहिन्यांमध्ये निर्माण होणारी जळजळ यामुळे दिसू लागतात. परिणामी हात व पाय लाल होतात. हे पुरळ मुलांमध्ये सामान्य आहे आणि मुलाला कोरोना विषाणूचा उपचार घेतल्यानंतर तीन महिन्यांपर्यंत हा त्रास होऊ शकतो.

काही डॉक्टरांनी कोरोनाव्हायरसची चाचणी घेण्यात आलेल्या पुरुष आणि महिलांवर पुरळ सारख्या डेंग्यूची नोंद केली आहे. संशोधक अजूनही पुरळ आणि कोविड रोगाच्या अचूक दुव्यावर अभ्यास करीत आहेत आणि त्याचा अभ्यास करीत असताना आपल्या त्वचेवर असे काही लक्षण आढळल्यास तुम्ही डॉक्टर किंवा त्वचाविकार तज्ञांचा सल्ला घ्यावा. यादरम्यान, चाचणीचा परिणाम येईपर्यंत स्वत: ला आयसोलेट ठेवणे चांगले.

Article Source – https://marathi.popxo.com/2020/09/acne-is-the-new-symptom-for-corona-virus-as-expertise-say-in-marathi/


Our Clinics

The Esthetic Clinic :
Shop no.4, Shraddha building no.3, Thakur complex, Kandivali East, Mumbai.

The Esthetic Clinic:
SL Raheja hospital (A Fortis Associate) Raheja Rugnalaya Marg, Mahim west, Mumbai 400016

Phone: +91 9004671379
Mon - Sat from 11 AM to 8 PM
Email: drrinkykapoor@gmail.com

Websites:
www.theestheticclinic.com www.skindoctorindia.com www.cosmeticdermatologistindia.com www.dermatologistmumbai.com www.laserskinexpert.com

Expertise In

• Skin diseases
• Sexually transmitted diseases
• Hair disorders
• Nail disorders
• Cosmetic skin treatments
• Skin surgeries
• Laser skin treatments

Find us on facebook

Get In Touch
close slider